Psalm 23 (up Platt van Gerrit Herlyn)
De Herr is mien Heerder,
ik sall keen Krök lieden.
Wor he mi weidt, dor ist dat reinste Botterland.
He günnt mi alltied n´ Drüpp koll Water,
he verquickt mien Seel.
He leidt mi alltied de rechte Padd:
Dor steiht he mit sien Naam liek för!
Un wenn ik ok andaal mutt,
bit dorhen, wor dat pickedüüster is,
ik hebb keen Not, du bist bi mi;
ok wenn du mi sehrdeist, hest du mi leev.
Du nögst mi an dien Tafel,
un all, de tegen mi sünd, mutten tokieken.
Du geihst mit mi um,
as wenn ik´ n König was,
un güttst mi de Beker vull bit boven hen.
Nix as Goods sall ik unnerfinnen
heel mien Leven lang,
un ik holl mien Verbliev in Gott´s Huus
allmiendaag
un för all Tieden.
Amen.
Danke für alles!!!
Wir sehn uns wieder!
